الكهرباء
إبشروا يا أهل العراق، ترة الكهرباء إلي خَلتكم تطلعون للشوارعبكل صيف وتشگونإزياگكم، يگولونالمسعولینبالوزاره مال الكهرباء خلاص هاي هيَّ،لگوا راس الوشيعهإلچانتضايعه، وبالصيف الجايعام ٢٠١٢ راح ينطوكم مكرمه عشرين ساعة كهرباء، وسنة 2020 للعايش وإلكم طول العمر، راح تصيرالكهرباء والف الحمد لله والشكر ٢٤ ساعة، وحتى تصدگون،گالوا بتسهيل الله.
طبعاً چم صيف مر وچم صيف راح يمر واحنه على هذا الديدان، لا تجي الكهرباء عشرين ساعة ولا تهنينا مثل الاوادم بصيف بارد.
واهنا بالذات أگول ما أدري ليش اهل الكهرباء وغيرهم يخلون نفسهم بهيچ ورطه وهمه مو گدها.
ترهيا جماعة الخير مو بس أهل الكهرباء هيچي، لا:
أهل المي هيچي والي يبنون عمارات هيچي.
هاي هي طبيعة المسعولعدنه، چبير چان لو إزغير يسوي الزور مرگ والهور خواشيگ مثل ما يگول أبو المثل.
خطية يحلمون،ويصدگون بحلمهم.
مشكلتهم ما يقرون ولا يتعضون، ولو اشويه يقرونچان رجعوا الى تصريحات چبير الكهرباء لمن فد يوم حلم، وأول ما فز من الحلم صرح وگالراح نصدر الكهرباء ليبره سنة 2013، وبوكتها ربعه خافوا عليه من الحسد فراحوا يطگطگوله حرمل، الفزه، والمصيبة الحكومة بذاك الوكت صدگت بيه وفوگ الكهرباء انطوه التعليم العالي والي خايف منه آني لا يروح يحلم ويگعد من الحلم ويگول خلونه نصدّرْ عقول، والله كلشي يصير لأن الصدگ شيسوون بأهل العقول، هي سفينه وماشية بقدرة قادر، بعد علويش هلدوخه.. ومن هالمال مثل ما یگول أبو المثل حَمِل إجمال.